عيد ميلادك

موضوع: عيد ميلادك 02.10.15 3:55

حبيبي جيت اقدّم لك هدية عيد ميلادك
انا متأكد اني لو نسيتك مانقص قدري

ولكن قلت ادوّر أي شيّ يناسب ّعيادك
صفحّت الهدايا لين ضاق بشوفها صدري

أبي شي ٍ يجمّلني معك لا فاح رينادك
ابي شي ٍ أمدّه والخجل من فوقي وحدري

وقلت آشوف بعض الناس قبل يحل ميعادك
وش اللي من هداياهم يليق بوجهك البدري

بعضهم جاب ورد .. وشفت كل الورد مافادك
وانا اصلا أعتبر من جاب ذاك الورد مايدري

لأن الورد لو مازاد بين إيديك مازادك
تركت الورد وأعجبت بثلاث ٍ جوك من بدري

هديتهم قفص وطيور .. قلت فعيد ميلادك

واسوّي مثلهم واهديك طير ٍ في قفص صدري
فهد المساعد