عاااجل لكل البنااااااات ....! ادخلووو

عاجل لكل بنت عاااجل لكل البنااااااات ....! ادخلووو Frashagirls%20(10)

عندنا جلسه سرية أنا والبنات وش تبون يالعيال
خخخخخخ
طبعا للظروف الصعبه الي يعيشنها البنات قررت اليوم أشتغل خطابه
إلى كل بنت ناشبة في حلق اهلها وماتزوجت
مع انهم حاطين معها اختها مجــاناْ :
* كيف تصطادين المعرس دون اللجوء للأساليب السقيمة المغازل ، الترقيم ،
التلميح اللي ماله سنع ، الترزز بالأسواق ...... الخ .
للإجابة على هذا السؤال إليكِ مايلي :-
* أهم نقطة نشني على العجوز اللي حاطه عينك على ولدها ثم نفذي مايلي :
1) خليك مع امك لاتروحين مع البنات وتتهيبلين اصبري عنهم كم شهر
لين تتم العمليه . :
2) امشي وانتى حاطه راسك بين كتوفك لاترفعينه ابد
حتى لو يصير كله صعارير ( خلي الفكس دايم في متناول اليد )
عشان يقولون مؤدبه وماهي متكبرة.
3) كلمة خالة خليها على لسانك وخاصة لأم المعرس عشان تحس بنوع من التميز عن بقية
العجزه
لامانع تنادين عجوز ثانية بخالة عشان اذا مانجحت الخطة مع العجوز نمبر ون
تنجح على الثانيه <<< الاحتياط واجب يابنيتي
4) اذا بدت امك تتكلم انغزيها بكوعك عشان تدخلك بالموضوع حتى لو مالك داعي
تطبيقاْ للمثل
( كثر الطق يكسر الحديد )
ادري المثل ماله داعي بس مالقيت غيره .
5) اخوانك الصغار لاحقيهم وطامري معاهم وين مايروحون حتى لو ماهي عادتك بس تصرفي
معهم كانك امهم عشان العجوز تاخذ فكرة انك حريصة على ذريتك
) كل ما اكلت امك من اكلة زينة خليها تقول :
نفس الأكلة اللي تسويها بنتي
( حتى لو الاكل من المطعم الصيني أو المكسيكي!!! )
7) اذا جيتي بتمدين ايدك جعلها للكسر <<< خربتها
وتوجعي وخلي امك تقول :
قايله لك وانا امك لاتنظفين جدران الفلة الخارجية بس انتي الله يهديك ذابحتك
النظافه <<< بتنظفين جدران الفلة نظفي غرفتك أول اللي تقولين
ثايرة فيها قنبلة ذرية
8 اذا تكلموا الحريم عن العرس اكتمي نفسك لين تحمر خدودك عشان يقولون البنت تستحي
ومالنا حق تكلمنا عندها
بس لاتكتمي نفسك واايد أخاف تروحين فيها واصير
قتلت نفس بغير حق ؟؟!
9) مهما كان موضوع الحوار حماسي لاتبدين رايك خليك مثل الطرمان لان اللقافه تجيب اجل
الخطه
10) شعرك افرديه لاتخلينه طاير مهما كانت الموضه لان العجزه ما يدورون الا اللي
شعورهم ناعمه والا اللي شعورهم طايره محد يلتفت لهن
11) إذا أدلت العجوز (أم المتوهق) بأي راي سواء سياسي ولا وطني ولا اقتصادي وافقي عليه
حتى لو انه ماسخ وماله داعي
مثلاْ تقول العجوز:
أمس بوش متقهوي عندنا يا فلانه قوليلها
وليه ماعلمتينا ياخالة نجي نساعدكم؟؟
12) في العروس لا ترقصين واعتبري الرقص عيب وشق جيب اقضبي ارضك وانثبري. [img:b859]http://m002.maktoob.com/alfrasha/imagesNew/smilies/5_1_123v[1].gif[/img:b859]
13) اذا جا طاري السوق وهو طبعا لازم يجي الطاري لانه ملح الجلسه عند الحريم خلي امك
تقول بناتي مايطلعون للسوق ابوهم يجيب اغراضهم .
)))))) احتمــــــــــال وارد الحــــــــــدوث ((((((
يمكن تكون العجوز منشنه على بنت غيرك لكن بعد النقاط السابقه بتصرف نظر
عنك وعنها <<<< امزح لاتصدقين
ماعليناااااااااا المهم اللحين العجوز بتكون وقعت بالفخ :
* نروووووووووح للمعرس اللحيـــــــن * :
* اهجدي في بيت اهلك ولاعاد تطلعين واذا جا المعرس بيشوفك خلي ابوك يقول والله ودي
تشوف البنت بدون ماتدري علشان تاخذ راحتك وانا عمك وبعدين تشوفها على
الطبيعه علشان ماتقول غشيتوني << إيه هين يالشايب والله لو بيدك لتحط مكانها
باسكال مشعلاني ولا نوال الزغبي ولا غيرها وغيرها
* وقبل يجي اليوم اللي بيشوفك فيه بحوالي اسبوع او اكثر
( على حسب شين وجهك )
اركضي من صالون لصالون (صبغه، فرد، تنظيف بشرة ....الخ) عاااجل لكل البنااااااات ....! ادخلووو Frashagirls%20(15)

عاااجل لكل البنااااااات ....! ادخلووو Frashagirls%20(15)

لاتخلين على روحك قاصر ولما يجي المعرس خلي اخوك يوقف جنبه
عشان ما يطوّل بالتبحلق
ويبان المستخبي وذلك تطبيق لنظرية اللمحه ذبحه.
* بعدها عاد كيف بيشوفك هذي عليك ماهوب كل شي بعلمك اياه دبري عمرك بس خلي ابوك
بنهاية المشهد يقول :
العذر والسموحه وانا عمك << ضمن الولد يوم يقوله وانا عمك
ترا البنت حوسه (مع انك طاقه كل زينك )
بس بهاللحظه الولد بينط على راس ابوك و
يبوسه لين يشفط مخه وبيقول متى العرس ياعم :
( اللهم ارحمه فقد كان باراْ بوالديه ) [img:b859]http://m002.maktoob.com/alfrasha/imagesNew/smilies/14_6_8[1].gif[/img:b859]
عاد الله يوفقك ولا تنسينا من حلاو العرس
واياك تعلمين الولد من معلمك
هالعلوم ولا حتى باسمي اتفقنا :
(( تحذيــــــــــــــــر )))))
ابتعدي عن امهات العيال اللي متعلمات راعيات الشنطه مثل لون الجزمه
لان هذولي يبيلهم خطط بعيدة المدى :
((((( نصيحــــــــــــه )))))
رفيقاتك بيلاحظون التغيرات المفاجئه اللي صارتلك فانتي قولي لهم انك
خلاص انسانه عرفتي درب السنع والعداله :
كلوووووش منك العيال ومنه المال [img:b859]http://m002.maktoob.com/alfrasha/imagesNew/smilies/11_3_2[1].gif[/img:b859]
وان شاء الله
تعيشون في سبات ونبات وتخلفون صبيان وبنات [img:b859]http://m002.maktoob.com/alfrasha/imagesNew/smilies/15_1_68v[1].gif[/img:b859]
خخخخخخخخخخخخخخخخخخخخخخخخخخخخخخخ

عضو نشيط المساهمات : 89 تاريخ التسجيل : 16/06/2008

هههههههههههههههههههههههه افكار جهنمية

ههههههههههههههههههاااااااي
اميــــــــــره
انتي مو صاحيه قسم طايحه ضحك عالموضوع
الله يسعــــــــــدك يا اميـــــــــروه
ويوفقك ويرزقك بزوج امه ميته
<<<<راحمه العجيز خخخخ
ننتظر المزيد من هالسوالف
تحيــــــــاتيــــ