بــيـــت الـــشـــعــــر

بيت الشعـر

أنتي بيت الشعر المبني على ساس
عاموده الطيب ثابتٍ مركوز بالقاع

سقفه شرف لك حامي من الناس
حبله العفة وطنبه حياء موروث ماضاع

ورواقه لابةٍ مزبنك حين قرع الأجراس
مشب دلاله كرم ريحه فاح بجيلك ذاع

فرشه وفاء زله صدق يعجب الجلاس
شوفته تشرح الخاطر لو كان ملتاع

وأرضه ربيع كلها خزامى وبسباس
قربه بالغالي يشرى حشى ما يباع

خالد سعود الرشيد

صح لسانك ياخالد على هالقصيده
وصح يمين من كتبــــــــــــــــها ونقلــــــــــــــها
ربي يعطـــــــــــــــيك العافيـــــــــــــــه ويخليك لنا ولا يحرمنــــــــــــــــا من حظـــــــــــــــورك
جد انت منورنا اخوي (صوتك يناديني)
تحياتي